" تدلل "

" تدلل "
...
...
في هالدنيـا ابد مــــــا ناظـــــرة عيني حد بشرواك
جمالك همسة شفاهــــــك دلالك بســــــــمتك طيبك
...
***
عيونك قمره و خــــــدك ورود(ن) ما بهــا اشواك
و اذا مرني شذا الزهار انــــــا عارف هذا طــيبك

...

***

اموت فهرجك و جدك اموت فضحكــــــتك و بكاك

امــوت فـ كلمـــــة احبــــك اذا كانــــــت بــساليبك
...
***
فديتك كلـــما فيني يــــــحبك يعشقــــك يـــــــفداك
حبيبك واقــــــف(ن) عندك تدلل وش مطاليــــبك
...
***
تبي نجم السما و الا تبي رحله لــــــبدر ضـــياك
انا حاظر ابرحل بك نـــــزوره ثـم ابا جيـــــــبك
...
***
واذا ودك بنور الشمــــــس يطفي في سما دنياك
محال(ن) احرم الدنـيا سنا شمس(ن) تضوي بك
...
***
تروح الروح في بعدك وترجع من بعد لــــقياك
وقول اشعار في وصفك تزينــــــها وتزهي بك
...
***
في هالدنيا انا ما ناظــــــرة عيني حـد بشرواك
لانك نادر بخلقــــــــك ولا بك شــي(ن) يعيبك

سولفي لي

" سولفي لي "
...
...
سولفي لي عن بقايا الاحـــــتكار
عن جنون القلب في حـب المزيد

...

***
عن نهايه خاسره وســط انتصار
او بداية اصبحت ماض(ن) بعيد
...

***

سولفي لي عن نــــهايات المدار
كيف قوس الدائره يبقى وحيــــد
...

***
سولفي ثم سولفي لآخر مــــسار
دامها اطول حكايات القـــــــصيد
...

***
سولفي في هالاذن لــــيل و نهار
سولفي لو احرفك قــــسوة حديد
...

***
ما سأمت العشق لو طـال انتظار
خافقي من سير دمـــه فـ ـالوريد
...

***
آه من عشق(ن) بلاني باحتضار
يقتل الخافق وهو تـــــــــوه وليد
...

***
كان قلبي في عيونك بــس عقار
يا عسى ازمة عقـــــــاراتك تزيد
...

***
يبقى هالخافق خساره و انتصار
يا نــــــهاية عشق لا يمكن يبيد